Linggo ng Wika (Ating Ipagdiwang)

magandang umaga sa inyong lahat mga kapwa kong nangingibang bansang pinoy. ipag paumanhin ang aking katanungan ngunit kailan po ba ito dapat ipagdiwang?

ayusin na yang pagtitipon at ng magkita kita ta kwentuhan ulit tayo.

dumudugo ang retoke ngunit maganda kong ilong mami tatess...

at mukhang kakaibang totoy_vibo ang aking nababasa ngayon. mukhang ikaw ang pinakamagaling mag-aaral sa inyong klase nuon sa Pilipino ah?

lolz QI...hihihi kopya at dikit lang yan....lolz para kahit papaano, malaman ng ating ibang kababayan kung ano nga ba ang Linggo ng Wika...:p

pero di ko na maalala ang talumpati na aking binigkas noong ako'y nag-aaral pa...hihihi:p

-ngee-

ikaw ay lumabag sa panuntunan ng sinulid na ito maaari mo bang pakibago iyong huling nailathala dahil ang mga titik lol_ ay wala sa ating wika at baka mapalo ng ating prinsesang may akda.

kapayapaan sa iyo kaibigan

huwag kang mag-alala katotong groover, natanto ko na mali nga ang aking nailathala sa pagbigkas ng salitang "lolz"...hindi nga sya naayon sa sinulid na ito....tm(tawang malakas...tm):p

ganun pa man, hihintayin ko ang pagdiriwang na ito....hihihi:p sana magkaroon tayo ng patimpalak sa araw na yan....:p

-ngee-

ahahah binibining tatess, kaya po ako humingi na paumanhin dahil sa di po sinasadyang pagkakataon ay napa ROFL ako....pagpaumanhin po ninyo binibining tatess.

Tinatanggap ko ang iyong paguumanhin kapatid ng TOTOY VIBO dahil tayo'y isang tao lamang, mapusok, madaling matukso at mapanuri...matang lawin... MMNT (Mas malakas na tawa). Magandang araw din syo kapatid na Blueboi, sana datnan ka ng magandang biyaya sa darating pang mga araw...:p Magbunyi at PUNITIN ANG MGA SEDULA !!!! (pag paumanhin po ulet dahil naalala ko lang po ang pagpunit ng sedula sa biak na bato ni kumpareng andres bonifacio) :p

maraming maraming salamat mga ginoo at binibini sa inyong mainit na pagtanggap sa aking sinulid. maari na bang bigyan natin ng petsa itong pagtitipon na ito upang ating mapaghandaan ating kakaibang baro't saya...?

Senyorita de amor TAtess, bilang isa po sa aming lider ng himagsikan, pwede po bang ipamalas ninyo o isawalat sa inyong loob ang tunay na kahalagahan ng linggo ng wika. Sana po senyorita mami tatess ay di po ninyo kami bibiguin. :p

Kilangan ko pa bang sabihin kung paano ako sumali sa kilusan.

matagal ko ng nilimot yon. Pero alanG alang sa inyo .
Isa ako sa aktibo na lumaban at tumulong noon sa laban sa Tirad Pas. kaibigan kong matalik si Gariela Silang at Andres Bonifacio.

paumanhin sau katotong JOHNPUR, kung wala kang magandang bibigkasin sa sinulid na ito, marapat na manahimik at magbasa ka na lamang upang maiwasan ang pagbuhol buhol ng sinulid na ito..
salamat!!!

=BB=

paumanhin blueboi, bakit ka nagagalit, di ba kasama rin sa linggo ng wika ang bugtong..

Ako po ay lubos na nagagalak sa sinulid na ito. Maraming salamat QI sa pagkakaroon ng kusa upang buksan ang usapang ito.

Matagal na din akong hindi nakaranas na ipagdiwang ang aking atng sariling wika. Kaya't ako ay sabik na magkaroon ng balitaktakan gamit ang ating wika lamang. Sadyang walang tatalo sa wikang tagalog. Malalim, romantiko at makabuluhan-ay ilan lang sa mga pang-uri na aking naisip para sa wikang Tagalog.

Sugod mga kapatid at tayo ay magdiwang para sa ating wika! MNT(mahina na tawa) :p

ipagmaumanhin mo katotong johnpur, hindi ako galit sa bagtas mo, oo nga ang bugtungan ay isang anyo ng ating wika, subalit ang sinulid na ito ay patungkol sa darating na pagdiriwang ng ating Wika..

=BB=

..Isang suhesyon sa ating nalapit na pagtitipon tungkol sa "Linggo Ng Wika", mano ba'y sa araw na ito ay magsuot tayo ng mga katutubong kasuotan ng maramdaman natin kahit sa isang araw lang na tayo'y di nalayo sa ating Inang Bayan...
..Huwag sana nating ikahiya ang nakagisnang kasuotan ng ating mga ninuno, anupa't dapat gunitain natin 'ito sa ating pagtitipon...

..Ito ay kung pwede lang naman....

take note of dress restrictions here in Qatar, no skimpy attire (bahag ba!) no cross-dressing (maria clara effect!)... LOL! paumanhin ko po sa paggamit ng bayagang salita ito rin po ay isang paalala lamang...

Pagpaumanhin po ninyo binibining tinapay a este Tinay ako poy di purong pilipino dahil ang aking ama ay galing sa espanya kaya ipagpaumanhin po ulet nyo ang aking pag gamit sa salita naming mga banyaga....:p

gawin sinple at makahulugan. mag hain ng mga pagkaing pinoy , halimbawa ng bibingka, puto bong bong, puto seko, diningding, salabat . at magsagawa ng mga palro na katulad ng tumbang preso, sipak takraw, luksong tinik, taguan

Sa pagalala mo sa Linggo ng Wika. Kaarawan din kasi ng kapatid ko na ipinangalan sa ating dating Pangulong Manuel Quezon na Ama ng Pambangsang Wika.

Ayan... pati patalastas ko sa ibaba ay binago ko rin...

Iwasan lang po ang mainitang pagtatalo (paalala lang)

- TnT (Tatay ni Trey)

Pindutin ang tatak sa itaas para sa Tropang Pinoy!
(50 puntos ang kailangan para makabahagi)

Nangingilo ako sa mga pinagsasambit nyo!

Magkagayunman, sa aking bagbabalik tanaw noong panahon ng aking pagAaral uso ang mga programa sa paaralan bawat klase ay kanya kanya ng pagpapakitang gilas. Ang iba ay pagalingan sa sumasayaw ng iba't ibang katutubong sayaw at ang iba naman ay sa pagkanta. Di maitatatwa ang dulot na saya at kagalakan sa bawat mag-aaral!

Masaya kaming lahat pag may ganitong okasyon bukod sa kalahating araw ang programa natural din na walang klase! hahahahaha!

(sumasakit ang ulo ko sa sinulid na to')

Paalam!!!

"Wag magbubuhat ng sariling bangko..."

nakakadugo ba ng ilong????...... MMNT! (groover5320681)

ano itong, aking nabasa
ang linggo ng wika, ay paparating na
lahat ay abala, lahat ay umaasa
na sa darating linggoy, may parti na naman ba

maganda ang na-isip, ni katotong QI
tema ng sinulid, wika sa ating pamumuhay
dyan mo makikita, ang pinoy na tunay
kanyang sariling wika, ay kanyang pinapanday
.
.
.

KEEP MOVING!!!

Isang masigabong palakpakan para sa ating kapatid na KP...MMTN (mas malakas na tawa). Isa kang tunay na pinoy at saludo ako sa ipinamalas mong tula, napaluha nga ako. :p

Kapatid ng Asul na Bata walang anuman yon kapatid. Lahat naman tayo ay nagkakamali :p

Habang binabasa ko ang sinulid na ito ....

d ko maiwasang magpagulonggulong sa sahig sa kakatawa...(MSSSK)....

yun lang po....

ako ito,
Asul na Sammy

nasan ka na mahal naming kapitana(QI)?

marami ng suhestyon, opinion at kuro kuro na pinamalas ng ating mga kapatid

naway bigyan mo ng tuldok at mga naibahagi at hubugin na ang nasabing pagtitipon kung kailan ipagdaraos at kung saan?

Bilihang Daga (mallrat) - maaari rin po bang inyong baguhin ang inyong signatura sa bahaging ibaba (talk to my crown) sa ating sariling wika..maraming salamat po ulit...

MO RIN...YUN LANG!!!

Ako ay nagagalak at nabibigyang pansin ang ating sariling wika at napapagyaman natin sa pagdaraos ng isang okasyon. Anu-ano pa ang dapat paghandaan sa nalalapit na selebrasyon? Bilang pagtanaw ba sa Linggo ng Wika ang lahat ba ay inaanyayahang magsuot ng mga kasuotang aakma sa okasyon na ito? Kinakailangan bang magdamit tulad ng Baro at Saya?

Pagyamanin natin ang ating Wikang Pambansa.

"Upang makakuha ng isang bagay na hindi kailanman nagkaroon ka, kailangan mong gawin ang isang bagay na di mo pa nagagawa."

Kuya Timog ako (north me) napabulalas ako ng halakhak sa turan mong kaibigang bilihang daga (mallrat). Naging napamasid din ako sa aking ilalakda ngayong napatunayan ko na may pagka matang lawin ka. Magandang araw sa iyo kapatid na Huwan gabi (jamesknight), kami kasama ng iba mo pang mga kapatid sa paniniwala ay masama sa yon lahad at opinyon, kasalukuyang humihimlay ang ating dalagang idolo na si kapitana, makaka asa ka na bago magbukang liwayway ay matutugunan ang iyong mga katanungan :p MMNT(Mas Malakas Na Tawa) :P

Natawa ako sa iyo katotong pinagkabihasnan (groove(r)) ng isaling-wika mo ang aking pangalan. Kung iyong mamarapatin ay aking itatama ng ayon sa aking kaalaman at papalitan ko bilang HaymeKabalyero sa halip na Huwan gabi...NnnST (Naiihi na sa Sobrang Tawa).

Maghihintay ako sa kung anong magiging suhestiyon ng nasa Itaas sa gaganaping okasyon sa buwan na ito. Maraming salamat.

"Upang makakuha ng isang bagay na hindi kailanman nagkaroon ka, kailangan mong gawin ang isang bagay na di mo pa nagagawa."

kuya norte, hilaga po... :P

kkung kayo po ay may katanungan o opinyon sa aking mga nasiwalat, maari nyo na lang po akong tawaging bukang liwayway sa sinulid na ito

"kung may putok ka... ipagmalaki mo... pinag pawisan mo yan eh!"

Pasasalamat sa mga kapwa mangingibig ng ating bansang Filipinas. Lubos po akong nagagalak sa mga saluobin ng ating kapwa mangagawang filipino sa isa na namang malawakang pagsasaad ng ating damdamin sa linggo ng wika. Lubos na pasasalamat sa may likha ng usaping ito dito lamang sa "Buhay Qatar". "Walang humpay na galak" yan po ang kahulugan sa katagang LOL.

Nais ko pong ipagkaloob sa inyo ang nakalap kong kaalaman sa patunkol sa kasaysayan ng ating pagdiriwang ng Linggo ng Wika.

---------
Kasaysayan

Noong ika-26 ng Marso 1946, nagpalabas si Pangulong Sergio Osmeña ng Proklamasyon Blg. 35, na nagtatalaga ng petsang mula ika-27 ng Marso hanggang ika-2 ng Abril bilang Linggo ng Wika. Noong ika-23 ng Setyembre 1955, iniutos naman ni Pangulong Ramon Magsaysay sa pamamagitan ng Proklamasyon Blg. 186 na ang Linggo ng Wika ay ipagdiriwang mula ika-13 hanggang ika-19 ng Mayo. Ang pagbabago ng petsa ng pagdiriwang ng Linggo ng Wika ay bilang paggunita sa kaarawan ni Pangulong Manuel L. Quezon, ang tinaguriang “Ama ng Wikang Pambansa”. Dahil sa paglilipat na ito ng petsa ng pagdiriwang ng Linggo ng Wika, naging imposible para sa mga estudyante at guro ang makilahok dito.

Pagkatapos ng Himagsikan sa EDSA noong 1986, inilabas ni Pangulong Corazon Aquino ang Proklamasyon Blg. 19 noong ika-12 ng Agosto 1988, upang pagtibayin ang pagdedeklara ng pagdiriwang ng Linggo ng Wika mula ika-13 hanggang ika-19 ng Agosto kada taon.

Upang higit pang pagtibayin ang mga naunang proklamasyon hinggil sa Linggo ng Wika, idineklara naman ni Pangulong Fidel V. Ramos ang buong buwan ng Agosto bilang Pambansang Buwan ng Wika sa pamamagitan ng Proklamasyon Blg. 1041 noong ika-15 ng Enero, 1997.

Sa kasalukuyan, ipinagdiriwang pa rin ang Linggo ng Wika at Buwan ng Wika sa Pilipinas. Opisyal itong nakatala sa listahan ng mga kultural na pagdiriwang sa bansa.

kaibigan na Idolong Qatar (QI).. ang aking suhestyon isang sayaw na katulad ng tinikling o di kaya maglalatik na pangungunahan ng ating butihing kapitan...

""walang iwanan at wala lang bibitiw""

=BB=

Kaibigang Samwel Bughaw,(ipagpaumanhin nyo po sammyblue kung mali po ang aking pagsalin ng inyong pangalan) alam ko po na mahirap po itong mangyari sa kadahilanang meron po tayo mga bagong salita partikular sa englis na hindi natin maisasalin sa salitang Filipino. Subalit ang mga salitang ito ay maari nating gamitin sa ating pakikipagtalastasan na kung isusulat natin ay sa paraan ng pagsulat ng wikang Filipino. Halimbawa na lang po ang salitang "computer" sa englis ay maisusulat natin ng "kompyuter" sa Filipino.

Mahirap po talaga kung iisipin natin. Pero kung meron pong kagustuhan ay meron po paraan.

Maraming salamat po.

at ng maisuot ko ulit yung mahaba kong palda.

Kung ganon idolong Qatar isang tema ang aking naisip sa pagsulat ng sanaysay OFW: BAGONG BAYANI sana ito ay magustuhan. Kung magkaroon man ng pagtitipon maganda na umpisahan na ang pagsumite nito para sa darating na pagtitipon ang paggawad ng mga mapapalad na mananalo. kung damit ang pag uusapan may nakahanda na akong bahag dito..at Idolong Qatar sa mga hurado ikaw na amg bahala dito.

Ulo ko'y nag alburoto ng umpisang basahin ang sinulid na ito. parang dahil sa hirap na uli gumamit ng sariling wika ko pati dugo ko ay umakyat sa pinaka mataas na antas ng sentigrado. pati palatandaan akda ko ay babaguhin ko.

" Subukang makipagtrabaho sa taong hahamon sa iyong kakayahan. malalaman mong marami kang natutunan sa loob ng isang taon kesa apat na taon sa kolehiyo." - Asar naman ang hirap naman oo...

"Try to work for someone who'll challenge your powers.
You'll learn more in a year than 4 years of college."

binibining gusaling-daga (mallrat),miyembro rin po ng ating grupo ang aking kasama kanina. nagkataon na hindi kita/kayo nakita kaya ako po'y humihingi ng paumanhin. hindi ko po sinasadya...

at nais kong pasalamatan ang suhestyon mo nephi2... gusto ko rin yang patimpalak sa paggawa ng sanaysay. dagdag na rin natin ang patimpalak sa paggawa ng kasabihan at pagguhit.

pero teka, ako'y sandaling nakalimot habang binabasa ko ang inyong mga inilathalang suhestyon tungkol sa linggo ng wika. akin lamang naisip kung saan maganda at maaaring ipagdiwang itong ating mumunting salu salo... sasabayan ng petsa kung kailan at oras...

ngayong pagkakataon na ito, hindi ko po muna isasara ang lahat ng ating usapin at kakailanganin kong makipag-ugnayan muna sa atign kagalang-galang na pinuno (tatay ni trey) at mga sumusunod na administrasyon itong lahat ng ating suhestiyon...

maari po ba tayong magkaroon ng paligasahan sa pag awit sa gaganaping pagtitipon.. kung sino ang makakaawit ng lupang hinirang ng tama ay siyang magwawagi??? PT maari ka bang sumali???

si kahilinga po ito... ipag paumanhin po ninyo ang huli kong pagdating sa sinulid na to ... magbigay lang po tayo ng mga idiya at mga suhestiyon at ito po ay aming pagsamasamahin at sa ilang araw ay ililabas po natin ang mga nakuha nating ideya na dapat gawin para maisakatuparan na po ang ating munting selebrasyon...
.
grabe dumudugo ang ilong ko!!! (tumatawa ng malakas)

~ MABUHAY ang mga kapwa ko PINOY ~

O Pinoy_tayo na aking kaibigan
Lahat ng sinabi sa taas ay pawang katotohanan
Kong sa tingin mo lahat ay kaplastikan
Sa akin po yan ay pagpapakatotoo lang

Bagama't tayo'y tunay na Pilipino
Ang dugong nanalaytay ay salin ng ating mga ninuno
Ang pagsalin sa INGLES sa wikang Pilipino
Ay talagang mahirap ayon sa aking guro sa kolehiyo
Maraming alintuntunin sa paggamit nito,
di katulad ng sa bukabularyo.

O pinoy_tayo na aking kaibigan
Sa sinulid na ito sumunod ka na lang
Ang pagbigay ng opinyon ay iyong karapatan
Ngunit ang lahat ay sa tamang paraan

Nang dahil sa iyo pagkamakata koy nasubukan
Ipagpaumanhin mo na lang aking pakikialam
Ito naman'y payong kaibigan lang
Maraming salamat sa iyo mula sa kaibuturan
Sana di magtagal tayo'y magkita at magkakamustahan.

heheheheheeh...ang may akda..bisaya

Kung wala ka namang maibabahaging maganda mas makabubuti na ika'y manahimik na. kaplastikan ba ang minsa'y pag alala? sa nakagistang wika at kinawilihang mong talaga! wag ka nang umapila at baka makutusan ka nila ng bonggang bongga..

Ika'y dina pag aaksayan pa, panahon at oras ko'y napaka halaga...

Sa mga kapatid na may magandang ideya ipag patuloy nyo lamang po at kung sakali ito ang aking unang pag sali sa inihahandang pagtitipon.

" Subukang makipagtrabaho sa taong hahamon sa iyong kakayahan. malalaman mong marami kang natutunan sa loob ng isang taon kesa apat na taon sa kolehiyo."

"Try to work for someone who'll challenge your powers.
You'll learn more in a year than 4 years of college."

ipagpaumanhin ninyo na ang inyong lingkod ang ngayun lamang namulat sa mahimbing na pagidlip.... sa aking palagay...isang magandang adhikain ang inyong kaloob... ako po ay nagagalak na maging bahagi ng ganitong uri ng pagtitipon...marapat lamang na ating ipagdiwang ang ganitong imporanteng kasaysayan... kung anuman ang maaari kong ibahagi ay ikalulugod ko ng marami...

pahabol: nakatugma na rin ang aking signatura ng naaayon sa basahing ito( humahalakhak ng malakas habang pagulong gulong sa sahig)
"maraming salitain ang kumakalat patungkol sa akin..bahala na kayo kung alin man ang inyong paniniwalaan.."

anuvayan...nahilo at dumugo naman ang ilong ko ...

bahala kayo..pag may talaan na ng pagtitipon, makikiayon na lang ako at idadagdag ang aking sarili sa talaan...MNT

... Salted Egg ...ubos na po, sa susunod na anihan uli..
...CHO RAH MO...